2.4 Սոցիալական աշխատանքի գործընթացի ընդհանուր բնութագիրը Սոցիալական
աշխատանքում մասնագիտական օգնությունն իրականացվում է զանազան մեթոդների
միջոցով` կապված օգնության համար դիմած մարդու պահանջմունքներից: Ցանկալի է
նշել, որ սոցիալական աշխատանքի օբյեկտ կարող է լինել ցանկացած մարդ, որը
կրում է ՙկյանքի դժվարություններ՚: Մարդու խոցելիությունը կախված է նրա
կյանքի հանգամանքներից` արտաքին սոցիալական գործոններից և նրանց
հաղթահարելու հնարավորություններից: Կարևոր է առաջարկել հետևյալ
հասկացությունը, որը լուրջ դեր է խաղում սոցիալական աշխատանքի
գործընթացում: Դա ՙփոփոխության՚ հասկացությունն է: Սոցիալական կյանքի
ընթացք ուղեկցվում է ինչպես դրական, այնպես էլ բացասական
փոփոխություններով: Կտրուկ փոփոխությունների գործընթացը պահանջում է
հարմարվելու շրջան և ճգնաժամային իրավիճակները հաղթահարելու որոշակի նոր
հմտությունների մշակում: Նրանից, թե ինչպես կարող է մարդը դուրս գալ
ճգնաժամային իրավիճակից, ինչպիսի փորձ ձեռք կբերի նա` կախված է ոչ միայն
նրա ներկա սոցիալական բարեկեցույթունը, այլև հետագա կենսագործունեությունը: Պետք
է նշել, որ ոչ միայն սոցիալական աշխատողններն են աշխատում հասնել
փոփոխությունների, այլև հենց սոցիալական աշխատանքի գործընթացն է ուղեկցվում
փոփոխություններով: Դրանք են սոցիալական շրջապատը ընկալելու, պրոբլեմային
իրավիճակների ըմբռնման և փոխհարաբերությունների /ինտերակցիաների/ որակի
փոփոխությունները: Խորհրդառուի հետ սոցիալական աշխատանքի գործընթացն իր մեջ երեք փուլ է ներառում. 1. տվյալների հավաքում 2. վերլուծություն 3. սոցիալական աշխատողի պլանավորված միջամտություն Որպեսզի
սոցիալական աշխատողը հաջողությամբ իրականացնի այս երեք փուլերը և հասնի իր
առջև դրված նպատակներին, նա պետք է կատարելապես տիրապետի հարցազրույցի
վարման արվեստին: |