ԱՇԽԱՏԱՆՔ ՄՈՐ ԵՎ ԵՐԵԽԱՅԻ ՀԵՏ ՄԻԱԺԱՄԱՆԱԿ
Այս դեպքում աշխատում են խմբակայինª մեկ հոգեբան և երկու թերապևտ: Այստեղ հոգեբանը պետք է գործի դուրս գալով մոր և երեխայի վարքագծից (կարելի է այսպես վարվել. մոր հետ զրուցի հոգեբանը, իսկ երեխայի հետ խաղան թերապևտները):
ՌԵԼԱՔՍԱՑԻԱ
Հոգեբանն իր աշխատանքի ընթացքում կարող է ռելաքսացիա անցկացնել, որի ժամանակ արթուն է մնում այցելուի գիտակցությունը: Այցելուն պետք է տեսնի հոգեբանին (վերջինս կարող է տեղավորվել նրա ոտքերի մոտ, կողքին կամ քիչ հեռու): Եթե այցելուն տառապում է §բրոնխիալ աստմա¦ հիվանդությամբ, կամ էլ հազում է կամ գրիպ է, ապա ռելաքսացիան հետաձգվում է, քանի որ նա պրակտիկորեն կամ չի կարող կենտրոնանալ կամ էլ ուշ կկենտրոնանա:
Ռելաքսացիան անցակացվում է լրիվ կամ կիսապառկած վիճակում: Հրահանգի ժամամանակ այցելուն փակում է աչքերը: Եթե մարմնի մասերից մեկը չի թուլանում, ապա դա ունի իր հոգեբանական բացատրությունը: Ռելաքսացիայի ժամանակ այցելուի մարմինը պետք է բամբակի նման թեթև լինի:
ԸՆՏԱՆԵԿԱՆ ԹԵՐԱՊԻԱ
Անցկացվում է ընտանիքի և երեխայի հետ, պարզելու համար, թե ի±նչ պրոբլեմ կա: Ապա ձեռնամուխ են լինում պարզելու այդ պրոբլեմը:
ԽՄԲԱԿԱՅԻՆ ԹԵՐԱՊԻԱ
Անցկացվում է երկու թերապևտի կողմից: Խմբում ընդգրկվում են հինգ երեխա: Առանձնացվում են տարբեր տարիքային խմբերª 4-5, 6-8, 9-11, 12-13 և 14-17 տարեկան երեխաների խմբեր: Այս տարիքային խմբերի բաժանումը պայմանավորված է այն բանով, որ ավելի լավ արտահայտվի տվյալ տարիքի երեխայի պրոբլեմը: Այստեղ թերապևտը կիրառում է դիտման մեթոդը: Երեխային ուսումնասիրելու համար օգտագործվում են տարբեր մեթոդներ:
Թերապիայի տևողությունը պետք է լինի մեկ ժամ: |