Ն Ա Խ Ա Բ Ա Ն
Ի՞նչ է հոգեբանությունը
Հոգեբանությունը գիտություն է, որն ուսումնասիրում է հոգեկան գործունեությունը, մարդու հոգեկան բնույթին վերաբերվող գործընթացները և համաչափությունները: Հոգեբանության մի մաս է հանդիսանում պրակտիկ հոգեբանությունը, որի հիմնական նպատակը մարդկանց մոտ առկա հոգեբանական խնդիրների լուծմանն անմիջականորեն աջակցելն է:
Ո՞րն է տարբերությունը հոգեբանի, հոգեթերապևտի, հոգեվերլուծողի, հոգեբույժի, հոգենյարդաբանի և նյարդաբույժի միջև
Հոգեբույժը հոգեկան խանգարումներ ունեցող հիվանդների հետ աշխատող բժիշկն է: Հոգեբույժի դերը միայն բուժելը չէ, այլ նաև հոգեկան հիվանդությունների կանխարգելումը, ախտորոշումը և փորձագիտական զննումն է: Հոգեբույժի բուժումն իրականացվում է հիմնականում դեղամիջոցների օգնությամբ:
Հոգեբանը մասնագետ է, որը զբաղվում է անձի հետազոտությամբ և դասակարգմամբ, ինչպես նաև միջանձնային հարաբերությունների ուսումնասիրմամբ, որ կատարվում է միայն իրեն հատուկ մեթոդներով ու միջոցներով: Վերջինս դեղամիջոցներ չի նշանակում:
Հոգեթերապևտը բժիշկ է, որը բժշկական օգնություն է իրականացնում հիմնականում առանց դեղամիջոցների: Որպես կանոն նա աշխատում է առողջ հոգեկան ունեցող կամ այսպես կոչված §սահմանային վիճակում¦ գտնվող մարդկանց հետ (նևրոզներ, դեպրեսիաներ և այլն): Հոգեթերապևտն իր աշխատանքի ընթացքում փորձում է այցելուին մատուցել խնդրի սուբյեկտիվ պատկերը, փորձելով հոգեկանի մեջ գտնել լուծման հնարավոր ուղիները:
Հոգեվերլուծողը հոգեվերլուծության եղանակներին տիրապետող մասնագետ է: Ընդհանրապես, հոգեվերլուծությունը, դա ուսումնասիրության եղանակ է, որի հիմքում ընկած է բառերի, արարքների, երևակայութան անգիտակցական բաղկացուցիչ մասերի որոնումը: Գոյություն ունեն մասնագիտական հոգեվերլուծության մի շարք ձևեր (օրինակ՝ Յունգի հոգեվերլուծություն, տրանսակտ վերլուծություն և այլն): | 
