Եթե անձը վշտացած է, տխուր, բայց չի կարողացել ազատություն տալ սեփական արցունքերին` այդ արցունքները կարող են պատճառ դառնալ շնչահեղձության:
Տևական նյարդային լարվածությունը պատճառ է դառնում ստամոքսային զանազան հիվանդությունների:
Տագնապը, ներքին վախը խախտում են սրտի նորմալ ռիթմը:
Զայրութը վատացնում է լյարդի և լեղապարկի աշխատանքը:
Հարկադրված շփումը տհաճ մարդկանց հետ առաջ է բերում քրոնիկ հարբուխ:
Սիրած աշխատանքով զբաղվելու հնարավորության բացակայության, քնքշության պակասի պատճառով կարող են առաջանալ մաշկային հիվանդություններ:
Եվ այսպես` հիվանդություններից և սթրեսային իրավիջակներից խուսափելու համար անհրաժեշտ է չմտածել տհաճ բաների մասին, հնարավորինս խուսափել անցանկալի շփումներից:
Չգիտակցված բացասական զգացմունքները (հոգեբանները դրանք անվանում են դիմակավորված կամ ծպտված) կուտակվում են ենթագիտակցության մեջ և այնտեղից «ճնշում գործում բանականության» վրա: Բացասական զգացմունքերից և դրանց առաջացրած տկարություններից ձերբազատվելու համար պետք է օգտվել էմոցիոնալ ինքնապաշպանության կոդեքսից:
- Չամաչել սեփական կարծիքն արտահայտելուց:
Հոգու խորքում տանջվելը, ինքն իրեն կրծելը վնասակար է առողջության համար: Եթե չի ստացվում մտքերն արտահայտել բարձրաձայն` ապա պահել օրագիր-նոթատետր: Ամերիկացի գիտնականները և բժիշկները հաստատում են, որ նման գրավոր ինքնավերլուծությունը շատ արդյունավետ, ոչ թանկ և գլխավորը` շատ պարզ ու հասարակ միջոց է սթրեսի դեմ պայքարելու համար:
- Արձակել «ցասման» նետեր, կատարել մերսում:
Ափերից դուրս եկած ժամանակ հին հռոմեացիները կոտրում էին այդ պահին ձեռքն ընկած կավե ամանները, իսկ անտիկ հույները բարկացած ժամանակ գնում էին նետ ու աղեղ արձակելու: Այսօր հոգեբանները խորհուրդ են տալիս պատից կախել թիրախ և փոքրիկ նետերով աշխատել խոցել նպատակակետը` միաժամանակ արտանետելով ձեր ներսում կուտակված զայրույթը: Նյարդային լարվածությունն անպայման կթուլանա: Մերսումը ևս լավագույն միջոցներից մեկն է բացասական զգացումներից ձերբազատվելու համար: Երկու ձեռքերի մատները դնել ճակատին, շրջանաձև շարժումներով մերսելով մոտեցնել քունքերին, ապա մերսել գլուխը` նախ ճակատից մինչև ծոծրակ, հետո հակառակը:
- Մտքում մտսծել դրական զգացմունքների մասին: Սնվել` հետևելով որոշակի կանոնների:
Մտածել այն բաների մասին, ինչ որ կա, այլ ոչ այն մասին, թե որքան բան չկա: Աշխատել չմտահոգվել կորցրածի կամ անիմաստ անցակացրած ժամանակի համար: Հիշեք հայտնի օրենքը. եթե ինչ-որ տեղից ինչ-որ բան պակասել է` հաստատ մի ուրիշ տեղ նույնքան բան ավելացել է: Այն մարդիկ, որոնք հետևում են կյանքի այս փիլիսոփայությանը, չեն տառապում նյարդային լարվածությունից:
Սնունդը նույպես կարող է «կառավարել» մեր տրամադրությունը և պայքարել սթրեսների դեմ: Մեկ գավաթ սուրճը կամ տաք շոկոլադը, մի գդալ մեղրը, որևէ միրգ կամ պարզապես ձեր ամենասիրած ուտեստը կօգնեն ձեզ մոռանալ մանր-մունր տհաճությունները: |