Առաջին փուլ: Այս ընթացքում զինվորները պատրաստվում են հակազդել տագնապալի իրողությանը: Նրանց գործողությունները բավական արդյունավետ են լինում, եթե բազմաթիվ անգամ կատարվել ու ստացել են ավտոմատացված բնույթ: Այդ փուլը կոչվում է պայքարի փուլ: Փորձառու զինվորների համար այն տևում է մի քանի րոպե, իսկ անփորձ զինվորները հարմարվում են մի քանի ժամվա ընթացքում: Այդ նկատառումով ստորաբաժանումների կազմի մեջ անփորձ զինվորների հետ ընդգրկվում են փորձառու զինվորները, ընդ որում վերջիններիս քանակը միշտ ավելի մեծ է:
Երկրորդ փուլ: Սա վտանգի հետ անմիջական շփման փուլն է: Այս փուլին բնորոշ է վախի և ագրեսիայի բացահայտ դրսևորումները: Փորձված զինվորների մոտ այդ հուզական վիճակները արտահայտվում են սովորաբար մարտից հետո, մինչդեռ բուն մարտի ժամանակ նրանց վարքը և գործողությունները կրում են վճռական բնույթ: Անփորձ զինվորների մոտ վախը բավականին բուռն է արտահայտվում մարտից առաջ և մարտի ընթացքում: Դրանով է պայմանավորված անփորձ զինվորների անկանոն հուզական վարքը մարտի ժամանակ:
Երրորդ փուլ: Այն առաջ է գալիս ստերիոտիպերի ինտնսիվ, երկարատև ներգործության դեպքում և ուժասպառ մարտերի արդյունքում, որը կոչվում է հյուծվածության փուլ: Այդ դեպքում արդեն գրանցվում են զինվորների ցրված գործողություններ, կատարողականության մակարդակի կտրուկ անկում, և հենց այս փուլի ընթացքում ստորաբաժանումները սկսում են կրել իրենց հիմնական կորուստները: |