Ակվաֆոբիա (գիդրոֆոբիա) - վախ ջրից, խոնավությունից, հեղուկներից
Ալյուրոֆոբիա (գալեոֆոբիա, գատոֆոբիա, էլուրոֆոբիա) - վախ կատուներրից:
Ժամանակին կատուն համարվել է Աստված որոշ ազգերի և ցեղերի համար: Այդ իսկ պատճառով ստեղծվել են կատուների հետ կապված առասպելներ.
- Կատուն 9 կյանք ունի:
- Կատվի աչքերը գիշերով լուսավորվում են: Նրանք ճառագայթում են այն լույսը, որը կուտակել են ցերեկվա ընթացքում:
- Եթե կատվի բեղերն իջած են, ապա անձրև է գալու:
- Եթե կատուն փռշտում է հարսնացուի կողքին, նրա հարսանիքի օրը, ապա ամուսնությունը երջանիկ է լինելու:
- Մարդը, ով վատ է վերաբերվում կատվի հետ, կմահանա փոթորիկի ժամանակ:
- Մուգ գույնի կատուն, երբ կտրում է ճանապարհը՝ ոսկի կբերի:
- Բաց գույնի կատուն, երբ կտրում է ճանապարհը՝ արծաթ կբերի:
- Սև կատուները՝ անհաջողություններ են բերում:
- Կատվի վրայով քայլելը բերում է անհաջողության:
ԱԽՏԱՆԻՇՆԵՐ – Այլուրոֆոբիայի ախտանիշները նույնն են ինչ այլ ֆոբիաների և տագնապային խանգարումների ժամանակ: Այն արտահայտվում է տարբեր ձևերով: Որոշ մարդիկ վախենում են կատուներից համարյա միշտ, իսկ ուրիշները՝ միայն կատվի կողմից բացահայտ սպառնալիքի դեպքում: Ահա որոշ հնարավոր իրավիճակներ, որոնք կարող են վախ առաջացնել՝
- Կատվի մլավոցը
- Կենդանի կատվի տեսքը
- Մութ սենյակում կատվի հետ հանդիպելու միտքը
- Կատուները նկարների վրա կամ հեռուստատեսությունում
- Խաղալիք կատուները
- Այդ կենդանու մորթին
ԲՈՒԺՈՒՄ - Գոյություն ունեն այլուրոֆոբիայի բուժման բազմաթիվ եղանակներ: Այս առիթով կարելի է խորհրդատվություն ստանալ արհեստավարժ հոգեթերապևտի մոտ:
Այլուրոֆոբիայի բուժման մեթոդներից ամենաէֆեկտիվը՝ դեղորայքային բուժման համակցումն է կոգնիտիվ-վարքային թերապիայի, հիպնոթերապիայի կամ նեյրո-լինգվիստիկ ծրագրավորման հետ:
Հաջող բուժումից հետո, որոշ այլուրոֆոբիկներ, փաստացիորեն վեր են ածվում կատու սիրողների, այն դեպքում երբ ուրիշները ուղղակի հասնում են կատուների հետ շփման ընթացքում կոմֆորտ ունենալուն, ինչը թույլ է տալիս լիարժեք հասարակության անդամ դառնալ:
Այս հիվանդությամբ տառապող ամենահայտնի մարդկանցից է եղել Նապոլեոն Բոնապարտը: Այլուրոֆոբիայով տառապել են նաև ֆրանսիայի թագավորներ Հենրիխ III-ը և Լյուդովիկոս XIV-ը, Ալեքսանդր Մակեդոնացին, Հուլիոս Կեսարը, Չինգիս Խանը, Բենիտո Մուսսոլինին, Ադոլֆ Հիտլերը:
Ակրիբոֆոբիա - վախ կարդացածի իմաստը չհասկանալուց
Ակրոֆոբիա (աերոկրոֆոբիա, աերոնոսիֆոբիա, բատեոֆոբիա, գիպսիֆոբիա, գիպսոֆոբիա) - վախ բարձունքներից
Ակուստիկոֆոբիա (ֆոնոֆոբիա, լիգյուրոֆոբիա) - վախ ձայներից, հեռախոսով խոսելուց
Ակուստիկոֆոբիա ունենալը դեռ չի նշանակում, որ կամայական աղմուկ պետք է բերի տագնապալի վիճակների: Ակուստիկոֆոբիա, նշանակում է վախ բարձր և հանկարծակի ձայներից: Ակուստիկոֆոբիայի ժամանակ, նույնիսկ կտրուկ սկսվող ձայնի սպասումը կարող է լուրջ անհանգստության առիթ դառնալ:
ՆԿԱՐԱԳՐՈՒԹՅՈՒՆ - Ակուստիկոֆոբիայի ժամանակ, մկանային ջղաձգումներ են առաջանում, լսողական խթանիչի ազդեցության դեպքում: Օրինակ` կոմպակտ սկավառակ լսելու ժամանակ, որը սկսում է մի կարճ լռությունից և հետո հանկարծակի վեր է ածվում ռոք երաժշտության բարձր հնչյունների, մարդկանցից շատերը ծայրահեղ դիսկոմֆորտ են զգում, նամանավանդ, եթե ի սկզբանե պատկերացում էլ չեն ունեցել սկավառակի պարունակության մասին: Այսպիսի դիսկոմֆորտի զգացումը, ինքն իրենով հանդիսանում է նորմալ մարդկային հակազդում: Սակայն ակուստիկոֆոբիայով տառապող մարդիկ, այդ պահերին ուժեղ վախ և պանիկա են վերապրում: |