Հարգելի ընթերցող այս գիրքն ամբողջովին նվիրված է 1988 թվականի Սպիտակի երկրաշարժին: Այստեղ հավաքագրված են այն մեծամասնության անունները, որոնք իրենց սեփական աչքերով ականատեսն են եղել ամենակուլ աղետի: Կան նաև անուններ, որոնք զոհը դարձան այդ քառասուն վայրկայանների…
Նպատակը միակն է` փրկել մեր քաղաքի փայլուն անցյյալն ու նրա անմեղ զոհերին մոռացումից և հանձնել նրանց անունները սերունդներին ու պատմությանը: Չէ որ նրանք եղել են, ապրել, շնչել, իսկ այսօր լեգենդներ են… Միթե հնարավոր է մոռանալ նրանց ու մեր երբեմնի և հնամենի հայրաքաղաք Գյումրին… Իհարկե պատասխանը միակն է`ահնա’ր է…
Այստեղ կա նաև հոգեբանի հետազոտություն, ուսումնասիրություն և առաջարկվող օգնություն:
Նպատաակ կա նաև ցույց տալու համայն աշխարհին, որ հայը, թեկուզ աղետյալ ու ցավծեծ` բայց ի վիճակի է ոտքի կանգնել ու նորից ապրե’լ… Հառնել ինչպես մոխիրների միջից փյունիկյան թռչունը:
Հարգելի ընթերցող հուսով եմ այս գիրքը կդառնա քեզ համար կարևոր ու կզբաղեցնի իր պատվավոր տեղը քո գրադարանում:
Իսկ եթե հանկարծ մեկը չգտնի իր հարազատի անունն այս գրքում` խնդրում եմ թող ներող լինի ու վստահ լինի, որ թեպետ նրա անունը չկա գրքում, բայց մենք նրան էլ ենք հիշում բոլորի նման ու նրա շիրիմին էլ ենք խոնարհվում, ինչպես մյուս զոհերի շիրիմներին… Իսկ հաշմադամներին մաղթում եմ միմիայն համբերությու’ն, Չէ որ, համբերությունը մի ողջ կյա’նք է…
Հեղինակի կողմից